Saturday, August 8, 2009

සඳකඩ පහණ


එදත් සුපුරැදු විදියට හවස හය වුනා. අපිත් ලයිට් නිවලා දැම්මා.
ඉර බැහැගෙන යන එලියත් ටිකක් තිබ්බ නිසා අපි කාමරේට වෙලා ජනේලෙන් එලිය බලං හිටියා. සේරමලා අකුරට වැඩකළා. ගෙවල් කීපෙකට එහායින් හමුදාවේ වැඩ කරන කෙනෙක් හිටි ගෙදරත් වෙලාවට ලයිට් නිවනවා. විශේෂයක් තිබ්බේ නැහැ කාටවත්. සමහරැ සංතොසෙන් ලයිට් නිවුවා...සමහරැ දෙස් දෙවොල් මුහුණින් ලයිට් නිවුවා. විරැද්ධ අය මුහුණින් අරකෙන් මේකෙන් විරැද්ධත්වය පෙන්නුවට වචනයක් කතා කළේ නැහැ.

අපි සුපුරැදු විදියට කාමරේට වෙලා කතා කියන්න ලැහැස්ති වුනා.

"අද අපට කතාවක් ඕන සඳකඩ පහන ගැන..." පොඩි අක්කා කීවා.

"සඳකඩ පහණ ගැන මොන කතා ද කියන්න තියෙන්නේ...ඒක ගැන කිසි කතාවක් නෑ..අපි‍වෙන මොනව හරි කතා කරමු... "

"අයියෝ ඔයා අනිත් කතා කියනවා වගේම කියන්න සඳකඩ පහණ දාලා කතාවක් දෙකක්...අපි අහං ඉන්නම්...ඇත්ත වෙන්නම ඕන නැහැ...ඔයා කවද්ද ඇත්ත කතා කීවේ අනිත් එක... "

"හා... මම කියන්නම් සඳකඩ පහණ ගැන හැබැයි පස්සේ රණ්ඩු කරන්න බැහැ බොරැ කියනවා කියලා...මට ඉතින් කියන්න තියෙන්නේ බොරැ තමයි..."

"හරි හරි මේ තමයි මේ ලෝකේ ඉන්න පට්ටපල් කෙබර කාරයා..." අක්කලා දෙන්නම හිනා වෙන්න ගත්තා...

"හරි එහෙනම් මම කියන්නම් සඳකඩ පහණට නම හැදුන හැටි. මෙන්න මෙහෙමයි. ඒ කාලේ රජවාසලට හරි පන්සලකට හරි ඇතුල් වෙන තැන තියන්න ඕන වුනේ කකුල් පිරිසිදු කරගන්න ඔය දැං කාලේ වගේ පාපිස්සක් නේ...පාපිස්සක් වුනාම රළු මතුපිටක් තියෙන්න එපායෑ නැත්නම් කකුල් යටිපතුල් වල තියෙන කුණු අයින් වෙන්නෑනේ...ඒ හින්දා තමයි ඉස්සෙල්ලම එහෙම තියෙන දෙයක මතුපිට රළු වෙන විදියට සකස් කරන්න ඒ අය හිතුවේ. ඉතිං රළු වෙන්නය කියල ඔය මොනවා හරි කළු ‍ගලේ කෙටුවනම් ඇති නේ...ඒත් ඒ අය මේ වැඩේට සත්තු රෑප පාවිච්චි කරන්න හිතුවේ ඇයි කියල දන්නව ද?


ඒ කාලේ ලෝකෙම ගො‍ඩක් සාමකාමීයි. ඉඳල හිටල තමයි යුද්ධ සටන් තිබ්බේ...ඒ කාලේ සටන් වලට අද වාගේ ගිනි අවි තිබ්බෙත් නැහැනේ. සේරම තිබ්බේ දුනු ,කඩු , හෙල්ල ,‍තෝමර වගේ යකඩින් හදපු දැව ජාති එක්ක මුහු වෙච්ච ආයුධ...

ඒ ආයුධ ඇරෙන්න යුධ පිටියට අරං ගිය සත්තු හිටියා. අලි ,ඇත්තු ,අශ්වයෝ , සිංහයෝ වගේ හීලෑ කරපු එවුන්...මෙවුනුත් පාවිච්චි කළා සටන් කරන්න...ඉතිං මේ සත්තු නඩත්තු කරන්නෙත් රජවාසලේම තමයි. උනුත් බල සේනාවල කොටස්. නමුත් අපිට තිබ්බේ බෞද්ධ හැදියාවක් නිසා මේ විදියේ යුද්ධ සටන් වලට එච්චර ප්‍රසාදයක් තිබ්බේ නැහැ රජවරැ අතර වුනත්. ඒ කාලේ රජවරැ වැඩියෙන් කල්පනා කළේ වාරිකර්මාන්ත සහ බුදුසසුන රැක බලා ගන්න එක ගැනයි. ඒකනේ පරසතුරැ හමුදාවලට උනත් හරිම ලෙහෙසි වුනේ රට අල්ලන්න...

මේ හිංසාකාරී වැඩ වලට සත්තු පාවිච්චි කරන්න වෙන එක හෙලා දකින්න තමයි ඒ සත්තුන්ගේ රෑප පයට පෑගෙන්න දාන්න ඕන කියලා ඒ කාලේ හිටි කැටයම් ශිල්පීන් මේ විදියට සඳකඩ පහනට සත්තුන්ගේ රෑප දාන්න තීරණය කරල තියෙන්නේ... ඒකට රජවරැත් එකඟ වුනා...අනිත් එක ඒ කාලේ තිබ්බෙම හින්දු ආගමිකයන්ගෙන් වෙච්ච ආක්‍රමණම තමයි වැඩිපුර ...ඒ හින්දා ඒ අයගේ පුජනීය සත්වයා ගවයා පාගන්නත් හිතන්න ඇති...කවුද හලෝ දන්නේ හරියටම...අනික ගවයා යුද්දෙට ගෙනියන්නෙත් නැහැනේ..."

"අම්මේ....... මෙහෙම ටොම් පචයෙක්...අපි නම් අහල තියෙන්නේ සත්ව රෑප හතර නියෝජනය කරන්නේ ජාති -ජරා- ව්‍යාධි -මරණ කියන භව චක්‍රයෙන් දැක්වෙන සංසාරය කියලනේ... "

"හරි හරි එහෙම වෙන්නත් ඇති. ඉතිං මං කීවේ කතාවක් නේ...මම මුලිනුත් කීවා ඕගොල්ලෝ ඕවා හරියටම දන්නව නම් වෙන මොනව හරි ගැන කතා කියමු කියලා... "

"හා කමක් නැහැ...දැං ඉතිං කියන්නකෝ අර සඳකඩ පහණ නම ලැබුන හැටි දැං... "

"සඳකඩ පහණ කියන සම්පූර්ණ නම ගැන කියන්න කලින් කියන්න ඕන සඳකඩ කියන්නේ මොකද්ද කියලා...ඔන්න ආයෙම පණ්ඩිත කම් කියවන්න එනව නම් මම ඒවා කියන්නේ නැහැ හරිද? "

"හරි හරි කියන්න බලන්න...අපි සද්ද නොකර ඉන්නම්... "

"කඩ කියන්නේ කෑල්ලක් කියන එක. රෙදි කඩක් කියල කියන්නේ අහල නැද්ද? ඒ වගේ ස‍ඳෙන් කෑල්ලක් කියන එක තමයි සඳකඩ කියන්නේ...ඒක හරි නේද? දැං ඕන නම් අපි කියන්නේ මෙහෙමත්. බිම් කඩක්...බිම් කෑල්ලක් කියන එකනේ...ඒ වගේ... "

"හරි හරි ඒක නම් ඇත්ත තමයි. හරස්කඩ කියන්නේ එතකොට හරහට කැපූ කෑල්ල කියන එක නේද? එතකොට වාහල්කඩ? ඒකත් කෑල්ලක් කියලද කියන්නේ? "

"හරස්කඩ කියන්නේ හරහට කපලා ගත්තු කොටස කියන එකනේ අක්කේ...එතකොට කඩ කියන තේරැම තියෙනවා නේ. දැං වාහල් කඩ කියන්නේ ස්ථූපයක් ආවරණය කරල හදපු වහලක් කියන තේරැම ඇති පියස්සට නේ. එතකොට ව‍හලෙන් කෑල්ලක් තියෙනවා නේ. ඒකට අපි වාහල් කඩ නැත්නම් වහලේ කොටසක් කියල කියනවා ...ඒකත් ගැළපෙනවා නේ ද? "

"ඔව් ඒකත් හරි කියමුකෝ. "

"එතකොට ස‍‍ඳෙන් ගත් කෑල්ලක් මේ විදියට සත්තු දාන්න හිතුවේ මොකද කියනවා නම් ඒ කාලේ මිනිස්සු විශ්වාස කරන්න ඇති හ‍‍‍ඳේ සත්තු ඉන්නවා කියලා. දැං අර සස ජාතකේ හැටියට හඳ මතුපිට හාවෙක් ඇන්ද‍නේ ශක්‍රයා. ඒ කතාව දන්නවා නේ? ඒක නම් මෙතන කියන්න මට බැහැ."

"හරි ඒ කතාව දන්නවා. ඉතිං ඒකයි මේ සඳකඩ පහණෙ ඉන්න සත්තුයි අතර සම්බන්ධය මොකද්ද? "

"ඉන්න කියනකම්... ස‍‍ඳෙ සත්තු ඉන්නවා කියල හිතපු අය නිසා තමයි මේ අර්ධ වෘත්තාකාර කළු ගල් නිර්මාණයට සත්තු ඔබලා ඒක සම්පූර්ණ කලේ. සත්තු ඉන්න ඕන හ‍‍ඳේ නිසා ඒ අය එහෙම දාන්න ඇති... අනිත් අතට සත්තු සේරම මැරිල ගිහිං හ‍ෙඳේ ආයෙම ඉපදෙනවා කියල ඒ අය හිතන්න ඇති. ඒක අපිත් දන්නේ නැහැනේ...තවම හරියට."

"එතකොට සඳකඩ පහණේ සත්තු ඇරෙන්න තව දේවල් තියෙනවා නේ? "

"ඔවු තියෙනවා තමයි. ඒ සත්තුන්ගේ පැවැත්මට තමයි ඒවා දාලා තියෙන්නේ... දැං බලන්න පලා පෙති දාලා තියෙන්නේ ශාක විදියට ආහාරයට ගන්න...ලියවැල...ඒකත් ආහාර විදියට සංකේතයක්... "

"අනේ මෙහෙමත් බේගල්... "

"ඔන්න ‍එහෙනම් මම නවත්තනවා? "

"හිකි හිකි හිකි ඔයා නම් මල්ලි කවද හරි දේශපාලකයෙක් වෙනවා මේ තරම් අතේ පැලෙන බොරැ කියන්න පුරැදු වෙලා...හොඳයි එතකොට හංසවැල? "

"හංසයාගෙන් පෙන්වන්නේ දියේ ඉන්න සතුන් ...ඔක්කොම දාන්න බැරි නිසා එයා විතරයි දාලා තියෙන්නේ... "

"හ්ම්ම්ම් ...අනේ මන්දා...එතකොට මැදින් තියෙන නෙළුම් මල? "

"ඉතිං හරිනේ...හංසයෝ ඉන්න විලක නෙළුම් මලක් තියෙන එක අහන්න දෙයක් ද?"

"හපෝ ඔයාට නම් මල්ලි පවු සිද්ද වෙනවා මේ කියන කතා වලට. සඳකඩ පහණෙන් දැක්වෙන්නේ ඔය බහු බූත නොවෙයි. සංසාර භව චක්‍රය තණ්හා ආශා නැති කරල ගිහිගෙයින් නික්මිලා භාවනා කරල නිවන් දකින්න කියන බුද්ධ දේශනාව තමයි ...දන්නේ නැත්නම් ඉගෙන ගන්න..."

"ඒකනේ කියන්නේ ඕගොල්ලොන්ට කතා කියන්නත් ඕන... මම අන්තිමට බැණුම් අහන්නත් ඕන...
එහෙනම් සඳකඩ පහණ ගැන කතාව ඉවරයි... "


[මෙහි අන්තර්ගත සියල්ල මනඃකල්පිතයි. කිසිදු විශ්වාසයකට ඇදහිල්ලකට හෝ පිළිගත් මතවාදයක් මෙම ප්‍රබන්ධයෙන් අභියෝගයට ලක් ‍නොවන වග කරැණාවෙන් සළකන්න.]

6 comments:

  1. අපූරු කතාව
    අනික මේ දැන් ඉන්න මිනිස්සු ඔය මොන මොන කතා කිව්වත් ඕක හදපු මිනිහා නිකන් ලස්සනට වගේ ඔය විදිහට හැදුවද කියල කවුද දන්නේ

    ReplyDelete
  2. ඒක ඇත්ත. අපි හරියටම දන්නෙ නැහැ තමයි පුරාවිද්‍යාත්මක වටිනාකමක් තියෙන දේවල් වල සැබෑ පසුබිම් කතා මොනවද කියන එක.

    ස්තුතියි ම.

    ReplyDelete
  3. TOM PACHAYA SAMBANDAYEN AKKALA PALA KALA MATHAYATA MAMA DA EKANGAYA. ENAMUTH AKKALA NODANNA DEYA NAM SIYALU PRABANDHAKARUWAN TOM PACHAYAN BAWAYA. MALLI THULA DALU LAMIN WADUNA MUCHALINDA NAGA RAJAYA ME WANA WITA CYBER OLU HAPAKANA BAKAWATHIYEKU WEE THIBENA BAWA OYA AKKALA DANNAWADA?

    ReplyDelete
  4. harima rasawath. boruwa wunth aththa karala lassanata kiyan eka ne nirmana shakthiya, neda malli. mama nammallige paththe. akkalata katha ahannath oni. aalawattam daalakiyana kota vivechanaya karannath oni. onnamalli,mamath ada indan mallige katha ahanna set wena akkakenek

    ReplyDelete
  5. anonymous: godak sthuthiy hakawathi samaga ekathu weema gena.

    ayema kathawak liyan ikmanata ennam.

    Hakawati

    ReplyDelete